Nuus vir die mense, deur die mense
waar ons die vonke laat spat


Nuushooftrekke: 19 Januarie 2021


Eskom sê beurtkrag voorlopig opgehef

 

19 Januarie 2021

Mikayla Bosch

 

Eskom het verlede week weer beurtkrag begin toepas.

Gedurende die afgelope 24 uur is twee opwekkingseenhede herstel, nog twee sal na verwagting ook herstel word.

 

Daar was aangekondig dat daar vanaf Maandag 23:00 uur nie meer beurtkrag sal wees nie.

 

Eskom sê nadat die opwekkingseenhede herstel is, is daar genoeg opwekkingskapasiteit om beurtkrag vir eers te staak.

 

Die kragvoorsiener sê indien beurtkrag weer toegepas moet word, sal dele van Gauteng en Noordwes slegs twee ure beurtkrag kry eerder as vier ure.

 

Die publiek word steeds versoek om krag spaarsamig te gebruik aangesien die opwekkingseenhede onvoorspelbaar is.


COVID-19 getalle vir 19 Januarie

19 Januarie 2021

Chantall Jv Rensburg

Die aantal totale positiewe (aktiewe) COVID-19 gevalle in Suid-Afrika staan nou op 192 035.

Nuwe positiewe gevalle in die afgelope 24 uur is 9 010 met 39 901 toetse wat in hierdie tyd gedoen is. Die positiwiteit-persentasie is tans 22.5%. Totale getalle tot op hede is 1 346 936.

Daar is ook 344 mense die afgelope 24 uur oorlede aan COVID-19.

Die provinsie met die meeste totale getalle is Gauteng met 364 269.

Die totale aantal sterftes in Suid-Afrika staan tans op 37 449.

1 117 452 Mense het reeds herstel van die virus. Daar is reeds 7 653 371 toetse gedoen in SA.

.


 

 



NUUSBROKKIES


Back to overview

14/01/2021

Ma en 2-jarige op snelweg raakgery

14 Januarie 2021
Rachel Prinsloo

‘n Ma is Woensdag tydens ‘n botsing op die N2, digby Umdloti, in KwaZulu-Natal dood en haar 2-jarige is in ‘n ernstige toestand. Die vrou se man is nie tydens die botsing beseer nie.

Die voertuig van die gesin se band het glo op die snelweg pap geraak, waarna die man in die derde baan van die snelweg stil moes hou.

Die gesin het uit die voertuig geklim, waarna die man begin het om die band te vervang. Terwyl die man besig was om die nuwe band op te sit, het ‘n ander voertuig hulle voertuig van agter getref en die ma en 2-jarige, in die ma se arms, is in die proses raakgery.

Die 2-jarige het 20 meter verder van die impak op die grond beland en die ma het 40 meter vanaf die impak gelê. Paramedici het die ma op die toneel dood verklaar.

Die kleuter het op die toneel behandeling ontvang en is na ‘n hospitaal in Durban gehaas in ‘n kritieke toestand.

Die insittendes van die ander voertuig het geen beserings opgedoen nie.



Back to overview