Nuus vir die mense, deur die mense
waar ons die vonke laat spat


Nuushooftrekke: 19 Januarie 2021


Eskom sê beurtkrag voorlopig opgehef

 

19 Januarie 2021

Mikayla Bosch

 

Eskom het verlede week weer beurtkrag begin toepas.

Gedurende die afgelope 24 uur is twee opwekkingseenhede herstel, nog twee sal na verwagting ook herstel word.

 

Daar was aangekondig dat daar vanaf Maandag 23:00 uur nie meer beurtkrag sal wees nie.

 

Eskom sê nadat die opwekkingseenhede herstel is, is daar genoeg opwekkingskapasiteit om beurtkrag vir eers te staak.

 

Die kragvoorsiener sê indien beurtkrag weer toegepas moet word, sal dele van Gauteng en Noordwes slegs twee ure beurtkrag kry eerder as vier ure.

 

Die publiek word steeds versoek om krag spaarsamig te gebruik aangesien die opwekkingseenhede onvoorspelbaar is.


COVID-19 getalle vir 19 Januarie

19 Januarie 2021

Chantall Jv Rensburg

Die aantal totale positiewe (aktiewe) COVID-19 gevalle in Suid-Afrika staan nou op 192 035.

Nuwe positiewe gevalle in die afgelope 24 uur is 9 010 met 39 901 toetse wat in hierdie tyd gedoen is. Die positiwiteit-persentasie is tans 22.5%. Totale getalle tot op hede is 1 346 936.

Daar is ook 344 mense die afgelope 24 uur oorlede aan COVID-19.

Die provinsie met die meeste totale getalle is Gauteng met 364 269.

Die totale aantal sterftes in Suid-Afrika staan tans op 37 449.

1 117 452 Mense het reeds herstel van die virus. Daar is reeds 7 653 371 toetse gedoen in SA.

.


 

 



NUUSBROKKIES


Back to overview

14/01/2021

Sassa betaalpunte: verspreiding van Covid-19

14 Januarie 2021
Chantall Jv Rensburg

Betaalpunte van die Suid-Afrikaanse agentskap vir maatskaplike sekerheid (Sassa) is vinnig besig om ‘n verspreidingspunt van Covid-19 te word.

Sassa het Woensdag gesê dat verskillende maatreëls ingestel gaan word, omrede mense in die lang rye nie sosiale afstande hou nie. Mense met ‘n lae immuunstelsel kan blootgestel word aan Covid-19 en die nuwe virus variant.

Die voorsitter van die portefeuljekomitee, Mondli Gungubele het mense aangemoedig om gebruik te maak van die besprekings-of afspraakstelsel om hulself teen die virus te beskerm.

Gungubele het ook gesê dat mense nie buite moet slaap om hulle toelaes te kry nie.



Back to overview