Nuus vir die mense, deur die mense
waar ons die vonke laat spat

Nuushooftrekke: 24 Julie 2021


COVID-19 getalle vir 24 Julie

24 Julie 2021

Amor Gerber

Die aantal totale positiewe (aktiewe) COVID-19 gevalle in Suid-Afrika staan nou op 153 778.

Nuwe positiewe gevalle in die afgelope 24 uur is 13 719 met 52 474 toetse wat in hierdie tyd gedoen is. Die positiwiteit-persentasie is tans 26.1 %. Totale getalle tot op hede is 2 356 049.

Daar is ook 450 mense die afgelope 24 uur oorlede aan COVID-19.

Die provinsie met die meeste totale getalle is Gauteng met 836 942.

Die totale aantal sterftes in Suid-Afrika staan tans op 69 075.

2 133 196 Mense het reeds herstel van die virus. Daar is reeds 14 477 689 toetse gedoen in SA.

Die totale inentings in Suid-Afrika staan stans op 6 308 201.


PLAASAANVAL: Daniëlskuil

24 Julie 2021

Rachel Prinsloo

‘n Plaasaanval het op 23 Julie in die Daniëlskuil-omgewing, Noord-Kaap, plaasgevind.

‘n Onbekende aantal aanvallers het toegang tot ‘n bejaarde paartjie se huis gekry deur om die diefwering oop te breek. Die bejaarde man, wat hartprobleme het, is met ‘n gholfstok aangerand. Die aanvallers het daarna op die bejaarde vrou gespring, wat veroorsaak dat beide haar bene gebreek het en sy het verskeie rugbeserings opgedoen.

Die bejaarde man het ongelukkig na die aanval gesterf weens ‘n hartaanval. Alle rolspelers is na die toneel onbied, maar daar is tot op hede geen arrestasies gemaak nie. Die polisieondersoek duur voort.

.




NUUSBROKKIES


Back to overview

20/07/2021

Dele van Pretoria-Oos steeds sonder krag

20 Jul 2021
Rachel Prinsloo

Sommige dele van Pretoria-Oos se kragtoevoer is reeds herstel, nadat daar Saterdag ‘n ontploffing by die Wapadrand-substasie plaasgevind het.

Die kragsituasie is reeds Maandag in sekere dele soos Wapadrand, Silver Lakes en Equestria herstel, maar daar is steeds dele van die omgewing wat nie kragtoevoer het nie. Daar is glo Maandagaand probleme gevind toe die kabels getoets is. Die dele van die omgewing wat steeds nie krag het nie, sal moontlik tot Donderdag nog sonder krag wees.

Die span sal heel moontlik Dinsdagoggend met die herstel van die uitgebrande kragpanele begin. Daar is reeds aan die beskadigde kabels begin werk om dit te herstel. Die span beoog om hierdie herstelwerk binne die volgende twee dae te herstel.



Back to overview