Nuus vir die mense, deur die mense
waar ons die vonke laat spat

Nuushooftrekke: 24 Julie 2021


COVID-19 getalle vir 24 Julie

24 Julie 2021

Amor Gerber

Die aantal totale positiewe (aktiewe) COVID-19 gevalle in Suid-Afrika staan nou op 153 778.

Nuwe positiewe gevalle in die afgelope 24 uur is 13 719 met 52 474 toetse wat in hierdie tyd gedoen is. Die positiwiteit-persentasie is tans 26.1 %. Totale getalle tot op hede is 2 356 049.

Daar is ook 450 mense die afgelope 24 uur oorlede aan COVID-19.

Die provinsie met die meeste totale getalle is Gauteng met 836 942.

Die totale aantal sterftes in Suid-Afrika staan tans op 69 075.

2 133 196 Mense het reeds herstel van die virus. Daar is reeds 14 477 689 toetse gedoen in SA.

Die totale inentings in Suid-Afrika staan stans op 6 308 201.


PLAASAANVAL: Daniëlskuil

24 Julie 2021

Rachel Prinsloo

‘n Plaasaanval het op 23 Julie in die Daniëlskuil-omgewing, Noord-Kaap, plaasgevind.

‘n Onbekende aantal aanvallers het toegang tot ‘n bejaarde paartjie se huis gekry deur om die diefwering oop te breek. Die bejaarde man, wat hartprobleme het, is met ‘n gholfstok aangerand. Die aanvallers het daarna op die bejaarde vrou gespring, wat veroorsaak dat beide haar bene gebreek het en sy het verskeie rugbeserings opgedoen.

Die bejaarde man het ongelukkig na die aanval gesterf weens ‘n hartaanval. Alle rolspelers is na die toneel onbied, maar daar is tot op hede geen arrestasies gemaak nie. Die polisieondersoek duur voort.

.




NUUSBROKKIES


Back to overview

20/07/2021

Valke trek 3 transitorowers vas

20 Julie 2021
Rachel Prinsloo

Die Valke in die Wes-Kaap het Maandag kort na ‘n transitorooftog drie mans in verband met die voorval gearresteer.

‘n Veiligheidswag van Fedility is deur twee mans genader toe hy geld by ‘n diensstasie geneem het. Die rowers het die veiligheidswag oorval, sy vuurwapen, ‘n onbekende aantal geld gesteel en gevlug. Die Valke was op pad na die toneel, toe hulle ‘n voertuig, wat aan die beskrywing voldoen het, voorgekeer het.

Die voertuig is deursoek en daar is beslag gelê op twee vuurwapens, asook die gesteelde vuurwapen van die veiligheidswag en ‘n sak met geld in. Die rowers is gearresteer en hulle sal na verwagting Woensdag in die Oudtshoorn-landdroshof verskyn.



Back to overview