Nuus vir die mense, deur die mense
waar ons die vonke laat spat

Nuushooftrekke: 24 Julie 2021


COVID-19 getalle vir 24 Julie

24 Julie 2021

Amor Gerber

Die aantal totale positiewe (aktiewe) COVID-19 gevalle in Suid-Afrika staan nou op 153 778.

Nuwe positiewe gevalle in die afgelope 24 uur is 13 719 met 52 474 toetse wat in hierdie tyd gedoen is. Die positiwiteit-persentasie is tans 26.1 %. Totale getalle tot op hede is 2 356 049.

Daar is ook 450 mense die afgelope 24 uur oorlede aan COVID-19.

Die provinsie met die meeste totale getalle is Gauteng met 836 942.

Die totale aantal sterftes in Suid-Afrika staan tans op 69 075.

2 133 196 Mense het reeds herstel van die virus. Daar is reeds 14 477 689 toetse gedoen in SA.

Die totale inentings in Suid-Afrika staan stans op 6 308 201.


PLAASAANVAL: Daniëlskuil

24 Julie 2021

Rachel Prinsloo

‘n Plaasaanval het op 23 Julie in die Daniëlskuil-omgewing, Noord-Kaap, plaasgevind.

‘n Onbekende aantal aanvallers het toegang tot ‘n bejaarde paartjie se huis gekry deur om die diefwering oop te breek. Die bejaarde man, wat hartprobleme het, is met ‘n gholfstok aangerand. Die aanvallers het daarna op die bejaarde vrou gespring, wat veroorsaak dat beide haar bene gebreek het en sy het verskeie rugbeserings opgedoen.

Die bejaarde man het ongelukkig na die aanval gesterf weens ‘n hartaanval. Alle rolspelers is na die toneel onbied, maar daar is tot op hede geen arrestasies gemaak nie. Die polisieondersoek duur voort.

.




NUUSBROKKIES


Back to overview

20/07/2021

Beurtkrag kan moontlik weer ingestel word weens kouefront

20 Julie 2021
Rachel Prinsloo

Eskom het Woensdag ‘n beroep op die publiek gerig om kragverbruik te verminder, sodat die moontlikheid van beurtkrag nie ingestel hoef te word nie.

Weens die kouefronte wat die binnekort die land gaan tref en tot die naweek voort kan duur, het Eskom ‘n beroep gedoen om nie oormatig krag te gebruik weens die koue nie. Dit kan moontlik veroorsaak dat swaar druk op die kragstelsel geplaas kan word.

Volgens Eskom se verklaring dui dit aan dat die stelsels op die oomblik goed vaar en beurtkrag nie op die oomblik nodig sal wees nie, maar die koue kan die aanvraag na krag verhoog en druk op die stelsels plaas. Eskom het gesê dat die verbruikers dadelik in kennis gestel sal word, sodra daar ‘n verandering in die situasie aangedui word.



Back to overview